選擇護膚品嘅時候, 我哋係需要望清楚個Label。最基本嘅話, 我去買一個產品,我會揀一個佢會完全披露成份嘅品牌。

Before 我哋deep dive 去睇每一個成分嘅時候, 其實最簡單嘅方法係睇佢哋嘅排位 (Sorry … 我唔係寫緊馬經…)! 無錯係睇成份嘅排位! 

其實所有成份標籤都係會按佢哋嘅份量由多至少去排列。基本上你可以將成份分為三部份(我稱之為三分一法則): .

頭三分一嘅成份 : 佢哋大概占咗整個產品嘅80%至95%. 一般牌子如果佢第一個成份係水, 咁我真係恭喜你, 其實你用緊既成分主要係水! 當然呢個只係rule of thumbs 。

有時候當我去問創辦人成份嘅時候會發覺有啲產品雖然水嘅成份係排第一, 可能水只不過係占成個產品嘅30%。作為auditor嘅我,就梗係要睇supporting évidence 啦!唔通你講我就信咩!

當然更多嘅時候,我問一啲創辦人,其實佢哋係完全答唔到…因為市面上好多有機品牌尤其係美國,佢哋好多時只不過係外判咗生產及product development出去, 其實佢哋自己都唔知裏面點解要用呢個材料同埋用咗幾多。更加唔好問佢其實個原料係來自邊個國家…因為好多都唔識答!呢啲創辦人我絕對唔會同佢合作!

中間個三分一嘅成份: 佢哋大概占咗整個產品嘅4%至12%

最尾個三分一嘅成份: 佢哋大概占咗整個產品嘅1%至4%。好多時啲宣傳廣告就係會着重講呢一部份嘅成份。講真俾得咁少你用, 你覺得會有效咩? .

另外如果成份係少過1%, 其實佢哋係可以唔需要披露。

 

所以記住:-

– 揀一個佢會完全披露成份嘅品牌

– 三分一法則

今日講住咁多先(怕你哋睇到瞓着)! Goodbye class! Au revoir 

 

Bisous, Grace