講真，除非你訂做一件衫，否則的話好難有一件衫絕對稱身。即使你買到一件心頭好，如果沒有一個好裁縫，不論件衫幾靚，都始終會爭少少。我曾試過到Chanel找師傅改衫，亦都嘗試過在中環皇后戲院附近改衫。前者我覺得很一般，因它只會幫忙改一改衫袖的長度，或是膊頭位改入少少等等。後者則又貴又慢又黑面……我不明白為何那麼多中環名店都喜歡在此改衫？

以我所知，遮打大廈旁的數間服店都是找她 —— Auntie Sera 莎拉姨姨改衫。在我心目中，簡直覺得她是一位「武林高手」。有次閒談間了解到，原來莎拉姨姨以前在香港製衣業最蓬勃的時候，已是其中一員。

我說：「Sera，我覺得你唔係一個普通嘅車衫女工。如果你喺巴黎，我覺得你可以係Chanel 工坊同Virginie 出show嘅haute couture 姨姨。」

莎拉姨姨總是非常謙虛：「哎呀！你唔好咁講啦！不過我以前專門車樣板，就係賣去外國嘅設計，我就喺公司裡專門做樣板，俾佢哋帶去見客。」

我的內心不禁讚嘆：「嘩嘩嘩！」你哋明佢有幾勁啦！莎拉姨姨自己同樣熱愛時裝；我覺得只要一個人對自己的工作有熱誠，做出來的質素是絕對不同。

如果你們也想找她改衫，她的小天地是在銅鑼灣，鄰近利舞台廣場的出一座舊式大廈內。想知道地址的話，請看下圖圖。在上去前，記得打電話呢～ 仲要告訴姨姨你是由Grace/Sony介紹，她便會知道你是一個有要求的人嘻嘻～

不論如何，我相信她及她的團隊改每一件衫也會落足心機！所以我就曾與朋友們給她「變態的任務」：

1. 將一條連身裙變做半截裙

2. 將size 42 jacket 變成 size 36

3. 改皮草

4. 改H大褸

5. 改皮褸（超級高難度！因為皮有針孔的，一針都不可以出錯）

6. 將size 6 褲變做size 2

7. 將一條訂做的裙（設計師不願意幫我開鈕門），她可以人手整大鈕門，讓我能把在法國買回來的陶瓷鈕扣上

8. 將褲Size由UK size 6 變做UK size 8

任務多得在此不能盡錄...... These are mission impossible, 因為有一些衣服其實曾被名店師傅改壞了，姨姨也可以像施魔法般幫我救回！

Thanks Sera！多謝沙拉！千其唔好咁快退休啊！